ផ្កាកូឡាប​ មាន​អត្ថន័យ​យ៉ាង​ណា​ខ្លះ?

១. ក្រហម៖ តំណាង​ឲ្យ​សេចក្តី​ស្នេហា សេចក្តី​ស្រឡាញ់ ចំណង​ស្នេហា ស្នេហា​ពិត ពាក្យ “បង/អូន​ ស្រឡាញ់​អូន/បង” បំណង​ប្រាថ្នា ការ​លើក​ទឹក​ចិត្ត ការ​អប​អរ​សា​ទរ ការ​គោរព ​និង​ពេញ​ចិត្ត សម្រស់​ដ៏​ស្រស់​បរិសុទ្ធ និង​ជូន​ពរ​ដល់​អាពាហ៍​ពិពាហ៍។

២. ក្រហម​ចាស់៖ តំណាង​ឲ្យ​សេចក្តី​ស្រឡាញ់​ងប់​ខ្លាំង ការ​ត្រៀម​លក្ខណៈ​សន្យា​គ្នា​ នឹង​គ្នា​របស់​ពេល​យូរ​អង្វែង សេចក្តី​ស្នេហា​ដល់​គ្រា​អវសាន និង​ទុក្ខ​ក្រៀម​ក្រំ​ក្នុង​សេចក្តី​សេ្នហា។

៣. ស៊ីជម្ពូស្រាល៖ តំណាង​ឲ្យ​ភាព​ទន់​ភ្លន់​ សុភាព​រាប​សា ភាព​សប្បាយ​រីក​រាយ និង​អត់​ឱន​ទោស ការ​សរ​សើរ ការ​អាណិត​អាសូរ ភាព​សុខដុម​រមនា និង​ភាព​កក់​ក្តៅ។

៤. ស៊ីជម្ពូ៖ តំណាង​ឲ្យ​ការ​អត់​ឱន​ទោស និង​ភាព​ស្រស់​ស្អាត​សម​រម្យ ការ​សរសើរ​លើ​សម្រស់ និង​ភាព​ផ្អែម​ល្អែម​ដាក់​គ្នា។

៥. ស៊ីជម្ពូចាស់៖ តំណាង​ឲ្យ​ការ​ពេញ​ចិត្ត និង​ទទួល​ស្គាល់ ពាក្យ “​សូម​អរគុណ​អ្នក” ការ​ដឹង​គុណ និង​ការ​សរសើរ​លើ​សម្រស់។

៦. ស្វាយ ឬស្វាយចាស់៖ តំណាង​ឲ្យ​ការ​ដាក់​ស្នេហ៍​ឲ្យ​ស្រឡាញ់​ចូល​ចិត្ត ការ​មាន​ទ្រព្យ​សម្បត្តិ​ហូរ​ហៀរ និង​មាន​គេ​គោរព​ជា​ច្រើន។

៧. ខៀវ៖ តំណាង​ឲ្យ​ភាព​អាថ៌​កំបាំង និង​ការ​ស្រពិច​ស្រពិល និង​ពាក្យ “អ្នក​ពិត​ជា​មនុស្ស​ដ៏​អស្ចារ្យ​មិន​ធម្មតា​មែន!”។

៨. ត្បូងខៀវ ឬ​ខៀវ​ចាស់៖ តំណាង​ឲ្យ​ភាព​ស្ងប់​ស្ងាត់ ភាព​សម្បូរ​ហូរ​ហៀរ និង​ភាព​នៅ​ក្មេង​ស្រស់​ស្អាត។

៩. ស៖ តំណាង​ឲ្យ​ភាព​ស្អាត​ស្អំ​ល្អ​បរិសុទ្ធ ការ​គោរព​យ៉ាង​ជ្រាល​ជ្រៅ កិត្តិយស​ដ៏​ខ្ពង់​ខ្ពស់ សេចក្តី​ស្នេហា​អមតៈ អាពាហ៍​ពិពាហ៍ សម្រស់ និង​ភក្តី​ភាព។

១០. លឿង លឿង​ទុំ ឬ​មាស៖ តំណាង​ឲ្យ​មិត្ត​ភាព ភាព​សប្បាយ​រីក​រាយ ការ​សន្យា​ពី​ការ​ចាប់​ផ្តើម​ថ្មីៗ ភាព​កក់​ក្តៅ សំណាង​ល្អ និង​ស្នេហា​ដល់​គ្រា​អវសាន។

១១. ផ្លាប៉ែស៖ តំណាង​ដល់​ភាព​ដាក់​ខ្លួន ការ​សាទរ​លើក​ទឹក​ចិត្ត​យ៉ាង​ខ្លាំង ភាព​ស្មោះ​ត្រង់ ការ​អាណិត​អាសូរ ការ​ដឹង​គុណ និង​ការ​អរ​គុណ។

១២. ទឹកក្រូច៖ តំណាង​ឲ្យ​ការ​ទាក់​ទាញ​ចិត្ត​មិន​អាច​ទប់​បាន ចំណង់ ការ​ប្រកប​ដោយ​ថាម​ភាព និង​មោនភាព។

១៣. ខ្មៅ៖ តំណាង​ដល់​ការ​បែក​គ្នា សេចក្តី​សោក​សង្រេង និង​មរណភាព។