វាចាភ្នែកខ្មៅ

ភទ្របទខែភ្ជំហេម្ដរដូវ 
ថ្នក់ទឹកជាប់ស្មៅផ្លូវចូលសាលា 
ថ្ងៃនេះក្រសួងរៀបចំសិក្ខា 
សិស្សជូនបាច់ផ្កាគ្រូប្រចាំចិត្ត 


មិត្តរួមសាលាចងផ្កាជាបាច់ 
ស្រោបថង់ជាស្រេចត្រៀមយ៉ាងប្រណិត 
ពណ៍សស្វាយខ្ចីលឿងក្រហមដិត 
លើកស្ទួយទឹកចិត្តគ្រូដែលស្វែងស្វះ 


ខ្ញុំឡើងលើឆាកទាំងទ្រូងញាក់ញ័រ 
ប្រឹងទប់ជំហលាក់ភាពអៀនខ្មាស់ 
ក្ដាប់ផ្ការំដួលរំភើបខ្លាំងណាស់ 
វែកសក់ខ្មៅក្រាស់សៀតត្រចៀកគ្រូ 


សម្លឹងភ្នែកខ្មៅហាមិនចេញស្ដី 
មិត្តភក្ដប្រុសស្រីស្រែកហ៊ោបន្ទរ 
អ្នកគ្រូក្រមំុរឹងខ្លួនដូចថ្ម 
ញញឹមតបតតទាំងមុខក្រហម។

អរគុណ