យ៉ាងណាទៅហើយបងប្អូនប្រីយ៍មិត្រដែលនៅស្រុកខ្មែរ-នៅអូស្ត្រាលី-នៅបារាំង-នៅកាណាដា
ឆ្លើយបានពីរម៉ាត់ស្ងាត់១អាទិត្យ-កំពុងតែគិតឬយ៉ាងណា
ឆ្លើយបានមិនបានសូមវាចារ-ខ្ញុំចង់ដឹងថាតើជាអ្វី?
ខាងលើគេហៅក្បាល-កណ្តាលគេហៅពោះ
ចុះមកហួសគេហៅជង្គង់-ដុះកន្ទុយសំយុងគេហៅអ្វី?
what belongs to you but orthers use it
more than you do?
បើលេងកុំខឹងខឹងកុំលេង -មិត្រចាស់មិត្រក្មេងទាំងស្រីប្រុស
បើសិនខ្ញុំបាទនិយាយខុស -មេត្តាសន្តោសប្រោះប្រណី។
ជួនកាលទើសចិត្តខាងប្រុសៗ -ជួនកាលមានខុសចិត្តស្រីៗ
សូមទានមេត្តាត្រាប្រណី -ពាក្យមិនគប្បីស្តីមិនស្អាត។
ដំរីជើងបួនគង់មានភ្លាត់ -អ្នកប្រាជ្ញចេះស្ទាត់គង់មានផ្លាត
ទំរាំដូចជារូបខ្ញុំបាទ -មិនមែនអ្នកឆ្លាតទេសព្វថ្ងៃ។
ចុងភៅធ្វើម្ហូបចង់បានឆ្ងាញ់ -ផ្សំគ្រឿងដាក់ខ្លាញ់បញ្ចេញថ្វីដៃ
បង់អំបិលច្រើនគេថាប្រៃ -ដាក់បន្ថយដៃគេថាសាប។
ចង់អោយប្រីយ៍មិត្រសើចសប្បាយ -បីដូចជាបាយត្រូវការសម្លរ
រីឯបង្អែមត្រូវការស្ករ -ឯកសិករត្រូវការភ្លៀង។
ចំណែកអ្នកប្រគុំដន្រ្តី -ត្រូវការប្រុសស្រីឡើងមកច្រៀង
ដូចជាសំណាបត្រូវការភ្លៀង -អ្នកចំរៀងត្រូវការដន្រ្តី។
មនុស្សយើងបើគ្មានការសប្បាយ -ដូចជាមេម៉ាយដែលអត់ប្តី
មនុស្សប្រុសបើអត់ស្រីៗ -ដូចជាក្របីកំបុតកន្ទុយ។
ខ្ញុំសូមជូនពរពីចម្ងាយ -បានសុខសប្បាយគ្រប់ៗគ្នា
ជម្ងឺឈឺថ្កាត់សូមអោយជា -បើប្តីប្រពន្ធឈ្លោះគ្នាឆាប់ជាគ្នាវិញ។
Portal
